Proverbi e  modi di dire in dialetto veneto

Magnar e bear
-El vin l'è el late dei vèci.
-La frégola la vièn dal tòco.
-Ghè ci pole e ci ajo
-Se non l’è supa, l’è pan bagnà.
-Chi magna tuto, caga tuto.
-L'è l'ultimo goto quel che imbriaga.
-Verse riscaldà e mojer ritornà, no i-è mai bone.
-Se te vol magnàr on bel molon con sugo,
_varda s'el fiorisse de giugno.
-El vin de casa no imbriàga.
-El vin al saor, el pan al color.
-A tòla no se vièn vèci
-De l'oca, màgneghene poca.
-Mejo magnar sforsa' che laorar de gusto.
-Mejo on ovo ancò che na galina doman.
-Quando la ròba l'è poca, l'è anca trista.
-La boca no lè mai straca se no la sà da vaca.
-Ci se la grata se la magna.
-Se non l'è sùpa, l'è pan bagnà.
-Ci magna solo el crepa solo.
-El pan del paròn el g'à la grosta più dura.
-Quel che non strangola ingrassa.
-El più bon formàio, l'è quel tacà a la grosta.
-Pansa ùda ,goto pién, crepa la vaca e ci se la tién
-Un pomo al giorno el cava el medico da intorno.
-La carne più bona l'è quela tacà a l'osso.
 		    

 

Modi de vivar e de essar
-No gh'è sponsàr che straca.
-Pì se sa, pì se spussa.
-Ci rispèto vòl, rispèto pòrta.
-Chi davanti te leca, de drio te sgrafa.
-L'è mejo averghe paura, che spaènto.
-Ci vol vaga, ci no vòl manda.
-Se l'ignoransa la fosse 'na pianta ti te saressi come l'Amassonia.
-La vita l'e' come la scala del polinàr, in salita e piena de schiti !
-Quando uno el nassi sfigà, el va col cul partera ancha se le sentà.
-Non gh'è peso sordo de chi nol vol sentìr.
-Contadin, scarpa grossa e çervel fin.
-El mistier del michelasso l'è:... magnar ,bear e andar a spasso.
-Gente alegra el ciel le aiuta.
-'Stasera vago in léto, a far cul e péto.
-Ci se lòda se imbròda.
-Ci non ga testa ga gambe.
-Ci va al mulin el se infarina.
-Gò fame: magna el corame...Gò sé: bevi l'asè.....Gò sono: metete le braghe de tò nono.
-Ci fa da sè, fa per trè.
-Ci va piàn, el va sàn, el va lontàn.
 		    

 

Bestie
-Ci da galina nasse, in tera raspa
-Ci ga galine ga pene.
-Gato serà deventa leon.
-Chi carezza la mula, ciapa le scalzade.
-El can de tanti paroni, el more de fame.
-La carne de lòdola, la piàse a tuti.
-Par quanto cora un musso no'l sara' mai un caval
-Pesse d'april, facia da cocodril.
-Galina vecia fa bon brodo.
-Ci pissa come un can l'è san.
-El lupo el perde el pel ma no el vissio.
-Mai sveiàr el can che dorme.
-Usel in gabia, el canta da la rabia.
-'Na volta core el can 'na volta core el gato.
-Can, non magna can.
-Ci dorme non ciàpa pessi.
-De note leòni, ...de giorno còjoni.
-Una rondine non la fà primavera.
-Te dormi come un ghiro.
-El va indrìo come un gàmbaro.
-Campa cavàl che l'erba cresse.
-Daghe al can che l'è rabiòso.
-La Lòo el perde el pel ma no 'l vissio.
-L'è mejo un asino vivo che un leòn morto
-Non i dise vaca mora se non ghe n'è un pel.
-Pèsse picolo nol magna pèsse grosso.
 		    

 

Mati - Laoro e Ladri
-I mati li fa e i savi li gòde.
-Tuti quanti semo mati, per quel buso che semo nati.
-El ladro, do l’abita, no’l ròba.
-Ci vole el ladro en cà, tègna bèn inciavà.
-La mojer del ladro no la ride sempre.
-Un mestier solo lo fa'l cul.
-Laora, laora, tuta la vita va en malora.
-Quei che lava i pìati, ì-è quei che i le spaca.
-Ci arte non sa, botega sèra.
-Ci no fa, no fila.
-Ci laora gh'à na camisa e ci no laora ghe n'ha do.
-A poca voja, no manca scusa.
-L'ocasiòn fa l'omo ladro.
-Par far ben la roba , ghe vol un pochetin de quel che se ghe dise.
-El lavoro el nobilita l'omo, ma el le rende simile a 'na bestia.
-Impara l'arte e metela da parte.
-Val più la pratica che la gramatica.
-Prima de comandàr se impara a obedìr.....
-El fero el va batùdo fin che l'è caldo.
 -Voia de lavoràr sàlteme adosso, laora ti che mi non posso		    

 

Tempo
-Tuti i temporài, no i porta aqua.
-L'istà, l'è la mare dei pitochi.
-Fredo e fame, fa on bruto pelàme.
-Nuvola pecorela, slonga el paso o tol sù l' ombrela.
-Neve ai monti, neve al mare neva a farvelo stracassare.
-Ai tri aprilanti, quaranta de somejanti.
-Se pioe sul'olivèla, ghe belo sula brasadèla.
-Chi varda la luna casca in fosso.
-Voja o non voja, marso vòl la foja..
-El tempo se paga.
-Par el prençipio d'on bòn fenil, acqua de april.
-La matina l'è la mare dei fati.
-Tempo, cul, siori fà chel che vol lori
-Rosso de sera bel tempo se spera.
-Rosso de matina, o piove o piovesina.
-Quando el Baldo el ga el capél, o che fa bruto o che fa bél.
-La matina la g'à l'oro in boca.
-Non sta a far domàn quel che te podarèssi far ancò.		    

 

Schei - Merda e Luame
-Quando more on creditor, bate qualche cor..
-I soldi i va, e i mati i resta.
-El ciapar insegna el spender.
-La rason dei poareti l'è carga de difeti.
-El lèto l'è el paradiso dei poaréti.
-Miseria fa miseria.
-Fin che la pènde la rènde.
-Cése e ospedàl, no i falisse mai.
-A pagar e morir gh'è sempre tempo.
-Schei de i pitochi e coini dei cani sempre in vista.
-Ragno, guadagno.
-Non rimissiàr la merda parchè la spussa.
-Mèio spussàr da luàme, che da stupido
-Tuti i stronsi fuma.
-Bo mòro: o mèrda, o òro.
-Ci no caga s-ciopa!
-No gh'è sabo sensa sol;no gh'è butela sensa amor;
no gh'è un prà sensa erba;no gh'è camisa de vecia sensa merda.
-Braghe ònte, palanche pronte.
-Ci più ghe n'à, più ghe ne mèta.
-Se el podesse, el magnarìa quel ch'el caga.
-Senti che spussa,.... nasa e ciucia!
-La mérda l'è mérda gh'è gnente da far!
-Val de più l'ocio de la serva, che du oci del paròn.
-Se le scorèse non le pesa, vol dir chete te si cagàdo adosso.
 -S. Paganìn el riva sempre al vintisète.
 		    

 

Fameja e amicisie
-Tompèsta e fioi, no pòrta carestìa.
-Fiòi e nissòi, no ì-è mai massa.
-Costa pì on vìssio che diése fioi.
-Fiole da maridar, ossi duri da rosegar.
-Se te vol che l'amicissia la se mantegna,
una man vaga e l'altra vegna
-Rose e ortìghe, mai amighe.
-No l'è vècia gnanca la Rena, parché la sta en pié.
-Ani e goti mai contarli.
-I muri veci fa pansa.
-Drìo ai ani, ghe va el giudìssio.
-A morìr gh’è sempre tèmpo.
-El più bon rosso l'à copà so pare.
-El più bon rosso l'à butà so pare nel fosso.
-Schéi e amicìssia stòfega la giustìssia. 		   

 

Amor - Omo e Dona
-Dopo i confèti, vièn i difeti.
-Noventanoe maridài, fa çento bèchi.
-Se la dòna no vol, l'òmo no pòl.
-Dopo on ano, on mese e on dì, so ci te si.
-Pitòsto de gnénte, on marì òrbo.
-Xe megio essar bechi e aver da becar,
che non essar bechi e no aver da magnar.
-Chi sposa un vedeoo, sposa un vero.
-Fie da maridar, ossi duri da rosegar.
-Caval bianco e bela mugèr, da sempre pensier.
-L'omo xe sempre belo.
-Dona nana, tuta tana.
-Ci se ama, se ròsega.
-L'amòr vecio, no fa mai la mufa.
-L'aqua chèta e l'òmo che tase, no i me piàse.
-La fame fa far dei salti ma l'amor li fa far pi alti.
-Ci se marida zoeni, stenta in longo; ci se marida veçi, sona de corno.
-Quando la dona moe l'anca, o lè vaca o poco ghe manca.
-Fumo e dona cativa fa scapar l'omo de casa.
-Amor, tosse e pansa no i se sconde.
-Rosso mal pèl, çento diaoli par cavèl.
-La dona picinina la sta in vetrina.
 -Do omeni i ciàcola, tre done le fa mercà.
-Bòte piena e mojèr imbriaga.
 		    

 

Religion
-Se Dio no vol, gnanca i santi pol.
-Tri je' i pecati che el Signor no'l perdona mia:
andar con 'na dona piu' bruta dela tua, robàr per el
to paron e imbriagarse de graspìa.
-Dio te varda da un magnador che no beve.
-Dopo siè giorni s'ha riposà anca 'l Signor.
-Chi g'hà religion no va in preson.
-Avanti col Cristo che la processiòn l'è longa.
-Morto un pàpa se ghe ne fa un'altro.
-Schersa coi fanti ma lassa star i santi.
-Non gh'è santi che tegna.
-Non ghè santi e nè madone.
-Dio el le fà e dopo el le compagna.
-El diaolo el fa le pignate ma non i quercioli.
 		  
 

 

Giorni e Mesi

Genàr
-Polvar de Genar, la carga el granar
-Se no fa fredo de Genar, lo fa de Febrar
-A San Bòvo se rompe ‘l primo òvo
-A Sant’Antonio ‘n passo de demònio
-San Bastian da la viola in man
-L'Epifanìa tute le feste la porta vìa

Febràr
-Se te vol un bel favar, semenelo de Febrar
-Una bona piova de Febrar, val più d’un luamar
-A San Valentin, se spilla el bon vin
-San Biasio, el fredo va adasio
-Febrar curto, pejor de tuto

Marso
-Neve marsolina, da la sera a la matina
-Marso vegro, Majo no sego
-Marso, ci no gh’à calze, va descalso
-Voja o no voja, Marso vol foja
-A Sant’Isepo, se taca via el scadaleto

April
-Pascoa tardía, stajon bonoría
-A San Ugo, ‘l moraro deventa duro
-Ci pianta de April, cava de Majo
-Da San Marco, le vache le passa el varco
-Da San Zen, se mete i cavaleri nel fen
-A San Zén, la soménsa en sén
-Aprile aprilèto, ogni giorno un gossèto

Majo
-Màjo, majon; a ti la rosa a mi el pelizon
-L’ Assensa, le rose le va in semensa
-Majo fresco, fava e formento
-Majo piovoso, vino costoso
-Ci gh’à on bon sòco, el lo tegna par Majo

Dugno
-De Dugno cavete el codegugno
-Da Sant’Antonio, el frumento se indora
-Damene apena on pugno, ma de dugno
-San Piero benedisse la tempesta
-L’ aqua de San Gioàni, guarisse tuti i malàni
-Sant'Antonio de la gran frescura
-L’ua a San Piéro l’é come el péaro
-S.Antonio l'è parente del demonio
-S. Gioàn, el t'à fato védar l'ingàn.

Lujo
-A Sant’Ana, i rondoni i se slontana
-Se Lujo el ghe iuta, Agosto no fa la suta
-La polvare de Santa Toscàna, che i pié risàna
-Lujo dal gran caldo, béi bèn e bati saldo
-A Santa Madalèna, pioe apéna

Agosto
-Agosto l’è quel mese che se fa el mosto
-A San Bartolomio, ogni fruto l’è compío
-De San Ròco le nose le va in scròco
-Agosto el cose l’ovo
-Dio el ne guarda dal séco tra le dò Madòne
-San Lorenso de la gran calura, l'uno e l'altro poco i dura
-A San Pelegrin, poca pàja e poco vin.
 -Santa Redegonda, la sapa soto la gronda.

Setembre
-A San Matè el tordo l’è in piè
-Piova de San Gorgon, ‘na piena e ‘n pienon
-De Setembre, dei fruti ghe n’è sempre
-A Setèmbre se destàca tuto quel che pende
-De Setembre, dal poco al’ assè piove sempre

Otobre
-El dí de San Luca, le miole le va in suca
-De Otobre ‘l vin ne le doghe
-Quando pioe a San Gal, aqua fin a Nadal
-Al Santo Rosario, i pitari de passàjo
-A San Francesco, ‘l gato ne ‘l zesto
-A San Luca, cava la rava e despica la suca

Novembre
-Ai Santi, tabaro e guanti
-A San Martin, ‘l leoro a ‘l camin
-A Santa Caterina, meti le vache in bina
-A Sant’Andrea, ‘l fredo ’l monta in carèga
-San Colombàn el pol vérghe la neve en man

Diçembre
-Da San Tomio, le giornade torna indrio
-Nadal al soleto, Pascoa al fogheto
-A Santa Luçia ‘l fredo ‘l cruzia
-A San Silvestro la neve su la finestra
-La neve dicembrina, la ven zò come la farina

-Né de giove né de marte, non se riva e non se parte. 		   

 

Modi de dir
-Parchè el caro no 'l çiga, bisogna onzarghe le rue.
-Se me nona la gavesse avuo le rue la sarìa stà un caretìn
-Beati i ultimi, se i primi gh'à creànsa.
-No se pol cantar e anca portar la crose.
-Meio el tacon del buso .
-Scarpa comoda no fa mai mal.
-Se l’invidia fusse rògna, quanti se gratarìa!
-Boca onta no pol dir de no..
-Le brase coèrte ì-è quele che scòta piassè.
-Campanò bonora, triste sagra.
-Se el cul el se sènta su du scragni, el se maca.
-On ciodo rudeno magna el legno.
-Mai mostrar quel che se gà, né dir quel che se sa.
-La ròba, la sconde la gòba.
-Strense la spina e el mola el cocon
-Mai lassàr la strada vecia par quela nova.
-Tuta la gente in piassa, ma nessun de la tò rassa.
-Quando l'aqua la toca el cul se impara a nodàr.
-Ci ben scominçia l'è a metà de l'opera.
-Ci lassa la strada vecia par quela nova,
el sà cosa el perde, ma nol sa cosa ch'el trova.
-Tra el dìr e el fàr gh'è de meso el màr.
-Mejo averghe 'na pètola nel cul, che el cul ne le pètole.
-L'erba del viçin l'è sempre più verde.
-Contro el cul, rason non conta.
-Carta parla e vilàn dorme.
-Dopo tri giorni, l'ospite el spussa.
-L'ùso del bùso l'è sempre un abùso, l'abùso de l'ùso l'è sempre in disùso.
-A bon intenditòr poche parole.
-Bon sangue nol mente.
-Sfogo de péle, ingorgo de buéle.
-Le bugie le gà le gambe curte.
-Le bugie prima o dopo le vien a gala.
-Se l'ocio nol vede, el cor nol sofre.
-Sùca barùca.
-'Na man lava l'altra e dò lava la facia
-Se man non prende, ogni cantòn de casa rende.
-No 'l val un figo seco.
-L'è pien come un ovo.
-L'è caro impestà.
-El costa come 'na pipa de tabaco.
-I l'à vendudo a strasso marcà.
-L'è a bon marcà
-Trent'ùn fora me ciamo.
-El pianse lagrime de cocodril.
-Ocio al quaia.
-'Na çirèsa tira l'altra.
-Bon viso a cativa sorte.
-L'è così bon che nol ghe faria del mal gnanca a 'na mosca.
-L'è forte come la morte.
-Morto mi, morti tuti.
-Adesso ghe ne digo un fraco.
-L'è scapàdo via a rota de col.
-El salta come 'na cavalòta.
-Piutòsto de piutòsto,... l'è mejo piutòsto.
-L'è mancansa de creansa
-L'è la solita minèstra.
-Salta moléta che vegno.... tien-me su che te mantègno.
-Ocio par ocio, dente par dente.
-Chi zuga col lòto el core de tròto.
-A carnevàl ogni scherzo vàl.
-Scherzo de màn scherzo de vilàn.
-Péso che andar de note.
-Mejo soli che mal acompagnadi.
-Simia dal cul pelà
-Zo a le basse gh'è 'na nebia, che non se la taja gnanca con un cortèl
-Canta che te passa.
-Ci mal capisse péso risponde.
-La busìa la ga le gambe curte.
-Ci dise 'n'a busìa non l'è fiòl de la Maria.
-Ancò fasèmo berna.
-Bisogna far bon viso a cativa sorte.
-Scalda la cola e ciùcia el penèl.
-L'è 'na ròba che fa indrissàr la gòba.
-Non bisogna miga piànzar sul late roersàdo.
-Fora el dente fora el dolòr.
-La va a stràpi.
-E zò che la vaga.
-Muso duro e bareta fracà. 		   

 

Modi de dir a na persona
-Metete in regola che l'é ora.
-Meti la testa a posto.
-Me digo che te si nato in drio cul.
-Te si bruto come el pecàto.
-Te si morto de sono.
-Te pari un morto in croce.
-Te ronfi che te pari 'na segherìa.
-Me digo che te andà el çervel in aqua.
-Te vali come l'ultima rua del caro.
-Te si lento come 'na lumàga.
-Te si bruto come l'orco
-Te si un scaldabanchi.
-Sito cascà dal caregòn con el ciuciòto in boca? ...O sito cascà dal ciuciòto col caregòn in boca.
-Te si 'na brasa querta.
-Testa da pito,...testa da molon,....testa da ravano,... testa da sucol,... testa ùda,...testa de legno,...testa marsa,,...testina da       
                    brodo,....testòn,.... testa da portòn,.... testa da petaròn,... testa da peri missi,...testa da peladèl,...testa da casso!
-El core a gambe levade.
-Quel là, l'è un rompibale.
-Se 'na zanzara la ghe ciùcia el naso, la se imbriaga.
-L'è così basso, che el ga la testa che spussa da piè.
-Staghe a la larga parchè l'è 'na bruta maraja.
-Te sì orbo come 'na talpa.
-Te si sordo come 'na campana.
-L'e' furbo come 'na volpe.
-Te si drito come un spago in scarsela
-Facia da cul.
-Eto voludo la bicicleta?... Adesso pedàla.
-O te magni 'sta minestra o te salti 'sta finestra.
-Fiol de un can.
-Fiol de na roja.
-Fiol de un can de un remengo.
-Fiol de 'na bona dona.
-Fiol de na vaca.
-Can dal vaca.
-Can da la vaca mora.
-Me digo che te si nato con la camìsa.
-Son pien de sfiga.
-Ancò, me nè capitado una par color.
-Va a farte benedir la camisa.
-Va a portarghe un çero a la Madona.
-Va dai frati a farte benedir.
-Se la continua così, me toca andàr a magnàr dai frati.
-Va a farte ciavàr!
-Va a farte 'na velada.
-Ci elo ci?
-Guarda che cul, me digo che se la scorèsa su un saco de coriandoli, gh'è carneval tuto l'ano.
-E se la scoresasse su un saco de farina?...Gh'è sarìa tri giorni de bufèra!
-Senti che spussa, éto tajà 'na merda?
-Te si un morto de fame.
-El magna come un porco.
-Te ciùci come 'na spugna.
-Cosa vuto magnar. lengue de gardelin?
-La fato 'na bala da fogo.
-Pissa in lèto.
-Pien de bòle.
-Scusa se t'ò tolto par 'na strusa.
-Saludi e basi,...paga la multa e tasi.
-Te trovarè pan par i to denti
-Non l'è pan par i to denti.
-L'ò scampada par el roto de la scuffia.
-Can da l'ùa.
-Son restà de giasso.
-Son restà de marmelata.
-Son restà de merda.
-Me son ciavà con le me stesse mane.
-Te fasso un cul come 'na versa.
-.....E daghela.
-Non sta a romparme le marandèle
-Va a tor par el cul qualche d'ùn altro
-Va a tor par el cul, qualche to parente.
-Va a remengo ti, to pare, to mare, to sìa e la naja in compagnìa.
-Va a spassàr el mar.
-Va fora dai maròni.
-Sta atento che non se n'acòrza el buél de la gamba.
-L'è pan duro par i to denti.
-L'è passà S.Giusepe con la scajarola.
-Cosa vuto....la luna nel posso?
-L'à messo la coa fra le gambe.
-Te gh'è el metro con l'elastico.
-Te me pari un can bastonà.
-Te gh'è rasòn,...testa in tèra e cul busòn.
-Te gh'è la parola come le putane.
-Te gh'è l'ocio da caregàr.
-La gà el cul basso.
-Naso da aquila
-Su con le bighe.
-Su con le recie.
-Ocio e gamba.
-Tàchete al tran.
-L'è cascàdo zo come un figo maùro.
-L'è maùro come un figo.
-Te si un malcagà !
-Non son miga nato in drio cul
-Péso che andar de note.
-La porta un litro de quel bòn, la porta un litro de scabio,la porta un litro de vinassa, la porta un litro de graspìa,
                                                                                                                                                 la porta un litro de scagaròn.
-Va in casìn con l'ombrèla e l'ombrelìn.
-Te si el conte, da le braghe onte.
-Te si la regina taitù, col cul in sù.
-Te ghè rasòn, ... testa in tera e cul busòn!
-Son restà in braghe de tela.
-Mè cascà le braghe.
-Son restà in màneghe de camìsa.